? Labouret, hemb doujein hou poén Nen dès suroh danné. ?
Elmen é konzé, kent tremén,
Un tad d'é vugalé.
? Mem bugalé, e laré ean,
Chetu deit me hours devéhan ;
E han éndro de gavouit Doué.
Erauk merùel me garehé
Dizolein d'oh un dra sérius.
Dihousllet met a huerhein de ha?ni
En dachen-men ker présius,
Rak ur trézol e zou kuhet énni ;
E pé tachad, ne houian ket !
Més, bugal?, mar labouret,
Hui e gavou, nitra suroh,
En trézol-sé devéhatoh.
Aret mat hou parkeu, hou poén ne zoujet ket.
Ne faut ket ma chomou korn na kognel erbet
? Hemb bout troeit ha distroeit, hemb bout sellet perhuéh
Arlerh marù en dén kouh, é vugalé kentéh
E gommansas arat é kement korn e oé.
Er gomemant chomet geté,
En doar guèl labouret e ra dehé muioh
Ha kent pèl é mant pinùikoh.
Argant nag eur kuhet
En doar ne kavant ket ;
Mès en tad, kent monet d’er bé,
En doé vennet diskoein dehé
Penaus én ur labour gredus
E hes ur trézol présius !
