Diskan
O sant Drein beniget,
Sekouret ni bamdé
Eit ma veemb perpet
Guir bugalé de Zoué
1
Cheleuet ol, perhinderion
Buhé sant Drein, martir gredus
Eldou eué a greiz kalon
Betak er marù karet Jézus
2
Sant Drein, ofisour en armé
E viué tost d’er blé tri hant
Eih vlé ar n’huigent en devoé
Pe zas de vout martir ha sant
3
Paian betak en termén-sé.
N’adoré meit er faus douéed.
Hanaùein e bras er guir Doué
E skol santél er Vartired
4
Get en ampeleur, kalon kri,
Maximilian Galér hanuet
En ur gér pèl, Nikomédi,
Sant Drein e oé bet davéet.
5
Karget e oé de ranjennein
Er Fidélet, er vro abèh,
D’hobér dehé ou fé nehein
Pé d’hou lakat d’er marù kentéh.
6
D’ur verh a noblans, Natali
Trizek miz kent oé diméet.
Getou betak Nikomédi
E oé deit é bried karet
7
Natali hemb gouiet d’hé dén
E oé kristenéz lan a fé
Get Doué n’arsaué a houlén
Aveitou er memb grès eué
8
Kent pèl é ma bet cheleuet
Hé fedenneu eit hé fried :
Kalon sant Drein e zou touchet
E huélet joé er Vartired
9
Er Vartired e ié d’er maru
En ur gannein gloér de Jézus.
Andur e hrent tourmanteu garù ;
Ataù é oent koutant, joéius.
10
Dirak kement a leuiné
Sant Drein e oé chomet soéhet.
Ean oeit ha goulennet geté
Perak é oent joéius perpet.
11
? Arlerh er vuhé men ker bér,
E lar dehou er Vartired
? Ni e viùou get hur Salvér
? E kreiz er brasan eurusted.
12
? Petra é soufranseu en doar
? Ag e bad un herrad hemb kin
? Etal en eurusted hemb par
? E gaveemb eit beruikin ? ?
13
Nezé Sant Drein a voéb ihuél
E lar : ? Me zou kristén eué
? Me gred é Doué, me vou fidél
? De Jézus Krist pad me buhé ?
14
En Ampeleur Maximilian
P’en dès kleuet en neuéted
E lar dehou um gemér bean
Eit adorein er faus douéed
15
Mes sant Drein e reskond kenteh :
? N’adorein mui meit er guir Doué
Ha me chuillou me goed abeh
Kentoh aveit nahein me fé
16
Abén en tirand arfleuet
E hras er lakat ér prizon
De hortoz ma you kastiet
Ha tourmantet é pep féson
17
Tuchant get tauleu bah ponér
Korv Sant Drein e zou dispennet,
Hag er martir lan a zoustér
Trema en Nean e sel perpet.
18
E voéz santél er honforté.
? Dalhet mat, emé Natali
? E het bremen de huélet Doué
? Pé ken eurus e veet hui ! ?
19
Maximilian e hra goudé
Trobein é zivréh, é zihar.
Sant Drein e zou oeit devad Doué
Pèl doh er bed men a hlahar
20
Hag en Nean e kreiz er joéieu
Sant Drein hun sekour get truhé ;
Liés en des groeit mirakleu
Eit diskoein d’emb é garanté
21
Rak sé hun tadeu get hirèh,
En dés sauet dehou un dé
Ur chapel gaèr tost d’er Blanoèh
E korn parrèz Bertelamé
22
Perhinderion, der chapél sé
Deit en eil sul a huenholon
De bedein Sant Drein get guir fé
Ha de houlen é hoarnasion
23
Deit d’inourein er Sant Martir
En dès hou tadeu inouret ;
Ol ar nehou keméret skuir.
E terhel doh er fé perpet.
24
Eldou ne zoujet droug erbet
Pen dé rekis sentein doh Doué,
Eldou laret eué perpet
? Kentoh meruel eit kol er fé ! ?
| 
